កំពង់ឆ្នាំង៖ ចេញផ្សាយថ្ងៃព្រហស្បតិ៍ ៣កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥, ត្រូវនឹងថ្ងៃទី ៩ ខែ កញ្ញា ឆ្នាំ២០២១។ អាហ្វហ្កានីស្ថាន៖ ក្រុមតាលីបង់ បានប្រកាសរដ្ឋាភិបាលចាំផ្ទះរបស់អាហ្វហ្កានីស្ថានដោយ លោក មូឡាឡាហាស្សាន់អាខុន ត្រូវបានតែងតាំងជានាយករដ្ឋមន្ត្រីស្តីទី។ “យើងចង់បានទំនាក់ទំនងរឹងមាំល្អជាមួយប្រទេសជិតខាងរបស់យើង និងប្រទេសដទៃទៀតទាំងអស់ ដោយផ្អែកលើការគោរពគ្នាទៅវិញទៅមក” ប្រភព៖ Xinhua News
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃចន្ទ ទី២៤ ខែសីហា ឆ្នាំ២០២០នេះ អញ្ជើញចូលរួមកិច្ចប្រជុំកំពូលមេគង្គ-ឡានឆាងលើកទី៣ ដែលប្រព្រឹត្តទៅតាមប្រព័ន្ធវីដេអូ។ កិច្ចប្រជុំកំពូលមេគង្គ-ឡានឆាងលើកទី៣ នៅឆ្នាំ២០២០នេះ ប្រទេសឡាវធ្វើជាម្ចាស់ផ្ទះរៀបចំនូវកិច្ចប្រជុំ។ លោក ថងលូន ស៊ីស៊ូលីត នាយករដ្ឋមន្ត្រីឡាវ និងលោក លី ខឺឈាង នាយករដ្ឋមន្ត្រីចិន ធ្វើជាសហប្រធាននៃកិច្ចប្រជុំ។ កិច្ចប្រជុំនៅថ្ងៃនេះ រៀបចំឡើងក្រោមមូលបទ «ពង្រឹងភាពជាដៃគូ ដើម្បីវិបុលភាពរួម»។ ថ្នាក់ដឹកនាំទាំងអស់ នឹងពិនិត្យឡើងវិញនូវវឌ្ឍនភាព ដែលសម្រេចបានស្របតាមទិសដៅនៃសេចក្ដីថ្លែងការណ៍សាន់យ៉ាឆ្នាំ២០១៦, សេចក្ដីថ្លែងការណ៍ទីក្រុងភ្នំពេញឆ្នាំ២០១៨ និងផែនការសកម្មភាពសម្រាប់រយៈពេល៥ឆ្នាំ ស្តីពីកិច្ចសហប្រតិបត្តិការមេគង្គ-ឡានឆាង (២០១៨-២០២២) កំណត់ទិសដៅអនាគតសម្រាប់ ការពង្រីកវិស័យនៃកិច្ចសហប្រតិបត្តិការ និងជំរុញបន្ថែមនូវទំនុកចិត្តទៅវិញទៅមក ក៏ដូចជាពង្រឹងភាពជាដៃគូ ក្នុងចំណោមបណ្តាប្រទេសមេគង្គ-ឡានឆាង។ យោងតាមក្រសួងការបរទេសកម្ពុជា ក្នុងកិច្ចប្រជុំនេះថ្នាក់ដឹកនាំប្រទេសសមាជិកមេគង្គ-ឡានឆាង នឹងផ្តោតការយកចិត្តទុកដាក់ផងដែរ លើកិច្ចខិតខំប្រឹងប្រែងរួម របស់បណ្តាប្រទេសមេគង្គ-ឡានឆាង ក្នុងការដោះស្រាយជំងឺរាតត្បាតជាសកលកូវីដ-១៩ និងការលើកកម្ពស់ការស្តារសេដ្ឋកិច្ច-សង្គមក្រោយជំងឺកូវីដ-១៩។ ក្រសួងការបរទេសបានគូសបញ្ជាក់ថា កិច្ចប្រជុំកំពូលមេគង្គ-ឡានឆាងលើកទី៣នេះ នឹងគូសបញ្ជាក់អំពីសារៈសំខាន់ នៃសន្តិភាពប្រកបដោយនិរន្តភាព និងការអភិវឌ្ឍប្រកបដោយចីរភាពយូរអង្វែងនៅតំបន់មេគង្គ-ឡានឆាង ក៏ដូចជាការលើកកម្ពស់សន្តិសហវិជ្ជមាន ក្នុងចំណោមបណ្តាប្រទេសមេគង្គ-ឡានឆាង៕
អន្តរជាតិ៖ទីភ្នាក់ងារសារព័ត៌មានVNExpressរបស់វៀតណាមនាពេលថ្មីៗនេះបានស្រង់សម្តីលោកស្រី LeThiThuHangអ្នកនាំពាក្យក្រសួងការបរទេសវៀតណាមដែលបានថ្លែងនៅក្នុងសន្និសីទសារព័ត៌មានមួយសំដៅបញ្ជាក់ប្រាប់ទៅទីក្រុងប៉េកាំងថា៖បើផ្អែកលើច្បាប់អន្តរជាតិនិងទីតាំងប្រវត្តិសាស្ត្រកោះស្ព្រាតលី និងប៉ារ៉ាសែល គឺជាកម្មសិទ្ធិផ្តាច់មុខរបស់វៀតណាម ។ វៀតណាមប្រើច្បាប់អន្តរជាតិនិងប្រវត្តិសាស្ត្រដើម្បីតតាំងជាមួយចិនដោយអះអាងថាខ្លួនមានមូលដ្ឋានច្បាប់អន្តរជាតិនិងទីតាំងប្រវត្តិសាស្ត្រគ្រប់គ្រាន់ក្នុងការបញ្ជាក់ថាដែនកោះធំៗចំនួនពីរនិងទីតាំងផ្ទៃសមុទ្រមួយចំនួន ទៀតនៅសមុទ្រចិនខាងត្បូង គឺជាកម្មសិទ្ធិរបស់វៀតណាមតាំងពីដូនតាមក។ ដូចនេះវៀតណាមដាច់ខាតត្រូវតែយកដែនកោះធំៗចំនួនពីរដែលចិនបានរំលោភយកមកវិញទាល់តែបានទោះប្រើមធ្យោបាយអ្វីក៏ដោយ។អ្នកនាំពាក្យក្រសួងការបរទេសវៀតណាមរូបនេះក៏បានអំពាវនាវឱ្យគ្រប់ប្រទេសទាំងអស់គោរពនិងអនុវត្តឱ្យបានពេញលេញខ្លឹមសារច្បាប់អន្តរជាតិនានារួមទាំងច្បាប់សមុទ្ររបស់អង្គការសហប្រជាជាតិឆ្នាំ១៩៨២។ ក្រសួងការបរទេសវៀតណាមក៏បានហៅសមយុទ្ធចិននៅក្នុងសមុទ្រចិនខាងត្បូងកាលពីកន្លងទៅថ្មីៗថា«ជាការបំពានដែនអធិបតេយ្យវៀតណាមធ្ងន់ធ្ងរ»ហើយអាចជះឥទ្ធិពលអាក្រក់លើទំនាក់ទំនងរដ្ឋាភិបាល ក្រុងប៉េកាំង ជាមួយសហគមន៍អាស៊ាន។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters ដោយដកស្រង់កំណត់ទូតវៀតណាម ផ្ញើទៅភាគីចិន។ ដោយឡែក ទាក់ទិននឹងជម្លោះ ដណ្តើមដែនទឹក និងកោះនៅក្នុងសមុទ្រចិនខាងត្បូងនេះដែរ ក្រុងប៉េកាំងធ្លាប់បានព្រមានវៀតណាមច្បាស់ៗថាវៀតណាមកុំធ្វើឆ្អឹងទទឹងករនៅសមុទ្រចិនខាងត្បូងឱ្យសោះ។លើសពីនេះចិនបានសង្កត់ធ្ងន់ថា”វៀតណាមមិនមានជាប់ពាក់ព័ទ្ធនៅក្នុងសមុទ្រចិនខាងត្បូងទេសូមកុំលូកលាន់”។ សូមរំលឹកថាកាលពីដើមខែមេសាប្រទេសវៀតណាមបាននិយាយថាទូកនេសាទរបស់ខ្លួនមួយគ្រឿងត្រូវបានបុកពន្លិចដោយនាវាត្រួតពិនិត្យដែនសមុទ្រចិន។ប្រទេសចិនបាននិយាយថាការអះអាងរបស់វៀតណាមនៅសមុទ្រចិនខាងត្បូង គឺខុសច្បាប់ហើយនឹងត្រូវបរាជ័យ។ ពាក់ព័ន្ធនឹងបញ្ហានេះ មន្ត្រីអ្នកនាំពាក្យក្រសួងការបរទេសចិន ធ្លាប់បានអះអាងអំពីជំហររបស់ចិនថា ប្រជុំកោះប៉ារ៉ាស៊ែល ដែលចិនហៅថា“ស៊ីស្ហា”(Xisha)គឺជាទឹកដីរបស់ចិនដោយមិនមានជាប់ជម្លោះអ្វីជាមួយវៀតណាមនោះទេ។ដូច្នេះក្រុងហាណូយត្រូវតែបញ្ឈប់ការបំពងសំឡេងទាក់ទងនឹងជម្លោះនៅសមុទ្រចិនខាងត្បូងនេះតទៅទៀត។ព្រមទាំង“បញ្ឈប់រាល់ការរំខានដល់ប្រតិបត្តិការខួងរកប្រេងក្រោមបាតសមុទ្រនៅក្នុងតំបន់នោះ។ ភាពតានតឹងរវាងចិននិងវៀតណាមបានចាប់ផ្ទុះឡើងខ្លាំងកាលពីខែមុនក្រោយពីចិនបានចូលទៅខួងរកប្រេងក្រោមបាតសមុទ្រនៅក្បែរប្រជុំកោះប៉ារ៉ាស៊ែលដែលវៀតណាមចាត់ទុកថាជាតំបន់សេដ្ឋកិច្ចផ្តាច់មុខរបស់ខ្លួន។ភាពតានតឹងនេះបានរាលដាលទៅជាអំពើកុប្បកម្មដុតបំផ្លាញរោងចក្រចិននៅក្នុងប្រទេសវៀតណាម រហូតបណ្តាលឱ្យមានពលរដ្ឋជាចិនជាច្រើននាក់ត្រូវស្លាប់ និងរបួស។ សូមបញ្ជាក់ដែរថាប្រតិបត្តិការខួងរកប្រេងក្រោមបាតសមុទ្រពីសំណាក់ចិននេះក៏ត្រូវទទួលរងនូវការរិះគន់ផងដែរពីសហរដ្ឋអាមេរិកដែលចាត់ទុកថាជា“ទង្វើបង្កហេតុ”។ចំណែកនាយករដ្ឋមន្ត្រីវៀតណាមវិញបានប្រកាសថាវៀតណាមពិចារណាចាត់វិធានការតាមផ្លូវច្បាប់ប្រឆាំងចិនដាច់ខាត៕
អាមេរិក ៖ កងទ័ពជើងទឹកសហរដ្ឋអាមេរិកបានកាលពីថ្ងៃសុក្រថា នាវាដឹកយន្តហោះចម្បាំងរបស់កងទ័ពជើងទឹកអាមេរិក២គ្រឿងបានចាប់ផ្តើមធ្វើសមយុទ្ធនាវាពីរគ្រឿងដ៏កម្រឡើងវិញក្នុងសមុទ្រចិនខាងត្បូងដែលនេះជាលើកទី២ហើយក្នុងខែនេះដែលនាវាចម្បាំងដ៏ធំបានចូលមកក្នុងដែនទឹកដែលមានជម្លោះ ខណៈដែលចិននិងសហរដ្ឋអាមេរិកចោទប្រកាន់គ្នាទៅវិញទៅមកថា បានបង្កភាពតានតឹងនៅក្នុងតំបន់។ នេះបើយោងតាមប្រភពពី CNA។ កងទ័ពជើងទឹកអាមេរិកនិយាយថា នាវាដឹកយន្តហោះចម្បាំង USS Ronald និង USS Nimitz របស់ខ្លួនបានដឹកបុគ្គលិកយោធាអាមេរិកសរុបចូលគ្នាជាង១២,០០០នាក់និងយន្តហោះ១២០គ្រឿងនៅពេលវាកំពុងប្រតិបត្តិការក្នុងសមុទ្រចិនខាងត្បូងកាលពីថ្ងៃសុក្រ។ នៅក្នុងសេចក្តីថ្លែងការណ៍ដដែលបាននិយាយថានាវាផ្ទុកយន្តហោះទាំងពីរគ្រឿងកំពុងធ្វើសមយុទ្ធការពារដែនអាកាសជាយុទ្ធសាស្ត្រដើម្បីរក្សាការត្រៀមខ្លួនប្រយុទ្ធនិងសមត្ថភាពប្រយុទ្ធ។ វត្តមានរបស់នាវាចម្បាំង Nimitz និង Reagan ក្នុងសមុទ្រចិនខាងត្បូងកាលពីដើមខែនេះគឺជាលើកដំបូងដែលនាវាដឹកយន្តហោះអាមេរិកចំនួន២គ្រឿងបានធ្វើប្រតិបត្តិការជាមួយគ្នានៅទីនោះចាប់តាំងពីឆ្នាំ២០១៤មកហើយនេះទើបតែជាលើកទី២ប៉ុណ្ណោះចាប់តាំងពីឆ្នាំ២០០១មក។ សូមជម្រាបថា សមយុទ្ធនេះបានចាប់ផ្តើមនៅថ្ងៃទី៤ខែកក្កដាហើយមេបញ្ជាការរងកងទ័ពជើងទឹកលោក Sean Brophy នៅលើនាវា Reagan បាននិយាយកាលពីថ្ងៃទី៨ខែកក្កដា ថា “ក្រុមវាយប្រហារនីមួយៗបានបន្តបំពេញភារកិច្ចប្រតិបត្តិការរបស់ពួកគេរៀងៗខ្លួន”៕
សេអ៊ូល ៖ អ្នកការទូតជាន់ខ្ពស់កូរ៉េខាងជើងម្នាក់បាននិយាយនៅថ្ងៃអង្គារទី ៧ ខែកក្កដានេះថា ប្រទេសកូរ៉េខាងជើងមិនមានចេតនាចង់អង្គុយចរាចលើកទី៣ជាមួយសហរដ្ឋអាមេរិកទេ ហើយជំរុញឱ្យកូរ៉េខាងត្បូងបញ្ឈប់ការជ្រៀតជ្រែកនេះ ខណៈដែលប្រេសិតអាមេរិកគ្រោងនឹងធ្វើទស្សនកិច្ចនៅទីក្រុងសេអ៊ូលក្នុងកិច្ចប្រឹងប្រែងមួយដើម្បីបន្តនុយក្លេអ៊ែរដែលជាប់គាំង។ នេះបើតាមការចេញផ្សាយដោយ CNA នាព្រឹកថ្ងៃអង្គារ ទី០៧ ខែកក្កដា ឆ្នាំ២០២០។ លោក Kwon Jong Gun អគ្គនាយកទទួលបន្ទុកកិច្ចការអាមេរិកនៅក្រសួងការបរទេសក្រុងព្យុងយ៉ាងបានចោទប្រកាន់កូរ៉េខាងត្បូងថា បានបកស្រាយខុសនូវសេចក្តីថ្លែងការណ៍មុនរបស់លោក Choe Son Hui អនុរដ្ឋមន្រ្តីក្រសួងការបរទេសដែលបានច្រានចោលនូវពាក្យចចាមអារាមដែលមិនសមហេតុផលអំពីជំនួបកំពូលមួយទៀតរវាងមេដឹកនាំកូរ៉េខាងជើង លោក គីម ជុងអ៊ុន និងប្រធានាធិបតីអាមេរិក លោក ដូណាល់ ត្រាំ។ ជុំវិញការបកស្រាយខុសខាងលើនេះ លោក Kwon បានឆ្លើយតបវិញថា កូរ៉េខាងជើងគ្មានអារម្មណ៍ត្រូវការ កិច្ចប្រជុំកំពូលថ្មីណាមួយនោះទេ។ ការលើកឡើងពីសំណាក់មន្ត្រីជាន់ខ្ពស់កូរ៉េខាងជើងនេះ ក៏ជាការឆ្លើយតបទៅនឹងការស្នើសុំ ពីសំណាក់ប្រធានាធិបតីកូរ៉េខាងត្បូង លោក មូន ចេអ៊ីន ផងដែរឲ្យលោក គីម ជុងអ៊ុន និងលោក ដូណាល់ ត្រាំ ជួបពិភាក្សាជាថ្មីឡើងវិញ ឲ្យបានមុខការបោះឆ្នោតប្រធានាធិបតីអាមេរិក នៅខែវិច្ឆិកា ឆ្នាំ២០២០ ខាងមុខនេះ។ លោក Kwon […]
អន្តរជាតិ៖ប្រព័ន្ធផ្សព្វផ្សាយរដ្ឋចិនThe Global Times កាលពីថ្ងៃសៅរ៍ទី៤កក្កដាថាការដែលអាមេរិកបញ្ជូននាវាផ្ទុកយន្តហោះកើនទ្វេដងមកកាន់សមុទ្រចិនខាងត្បូង«អាចធ្វើចិត្តរបស់គេ» តែចិនបានជ្រើសរើសទុកកាំជ្រួចពិឃាតនាវាផ្ទុកយន្តហោះធុនDF-21D និង DF-26រួចរាល់អស់ហើយ។ សូមបញ្ជាក់ថា កាលពីថ្ងៃសៅរ៍អាមេរិកបានបញ្ជូននាវាផ្ទុកយន្តហោះពីរគ្រឿងមកធ្វើសមយុទ្ធនៅសមុទ្រចិនខាងត្បូង ខណៈចិនបានកំពុងធ្វើសមយុទ្ធទ័ពជើងទឹកនៅក្នុងតំបន់នេះផងដែរ។ក្នុងការគំរាមដ៏ព្រឺខ្នង កាសែតរដ្ឋ Global Timesបាននិយាយថា ការវិភាគបានបញ្ជាក់ថា នាវាអាមេរិកអាចត្រូវបំផ្លាញចោលនៅពេលណាមួយដោយកាំជ្រួចសម្រាំងរបស់ចិន។ កាសែតបានសរសេរថា«សមុទ្រចិនខាងត្បូង ស្ថិតក្នុងកណ្តាប់ដៃរបស់កងទ័ពរំដោះប្រជាជនចិនទាំងស្រុង ហើយចលនារបស់នាវាដឹកយន្តហោះអាមេរិកណាមួយ នៅក្នុងតំបន់អាចត្រូវបំផ្លាញតាមចិត្តរបស់កងទ័ពរំដោះប្រជាជនចិន។ ដែលបានជ្រើសរើសទុកសព្វាវុធប្រឆាំងនាវាផ្ទុកយន្តហោះមួយចំនួនធំ ដូចជាកាំជ្រួចDF-21D និង DF-26ដែលមានរហសនាមថា “ជនពិឃាតនាវាផ្ទុកយន្តហោះ”»។ ចិននិងអាមេរិក បានចោទប្រកាន់គ្នាថាបង្កភាពតានតឹងនៅក្នុងផ្លូវទឹកយុទ្ធសាស្ត្រនេះ ចំពេលទំនាក់ទំនងរវាងមហាអំណាចទាំងពីរកំពុងជួបបញ្ហាស្រាប់មានចាប់ពីជំងឺឆ្លងកូវីដ១៩ ពាណិជ្ជកម្មនិងបញ្ហាហុងកុង។នាវាផ្ទុកយន្តហោះUSS Nimitz និង USS Ronald Reaganកំពុងធ្វើសមយុទ្ធនៅសមុទ្រចិនខាងត្បូង។ដើម្បីគាំទ្រតំបន់ឥណ្ឌូ-ប៉ាស៊ីហ្វិកសេរីនិងបើកចំហមួយនេះបើតាមសេចក្តីថ្លែងការណ៍របស់កងទ័ពជើងទឹកអាម៉េរិក ។ ឧត្តមនាវី ចច អឹម វីកូហ្វ ត្រូវបានកាសែតស្រង់សម្តីដូចដែលបាននិយាយថា «សមយុទ្ធនេះមិនមែនជាការឆ្លើយតបនឹងសមយុទ្ធចិនដែលក្រសួងការពារជាតិអាមេរិករិះគន់នោះទេ ។នាវាដឹកយន្តហោះអាមេរិកបានធ្វើការហ្វឹកហាត់នៅប៉ាស៊ីហ្វិកខាងលិចជាយូរមកហើយ រួមទាំងសមុទ្រចិនខាងត្បូង ។សមយុទ្ធលើកនេះមានបំណងបង្ហាញសញ្ញាទៅកាន់ដៃគូនិងសម្ពន្ធមិត្តថា យើងប្តេជ្ញារក្សាសន្តិសុខនិងស្ថិរភាពតំបន់»៕
វ៉ាស៊ីនតោន ៖ សហរដ្ឋអាមេរិក ហាក់កំពុងធ្លាក់ចូលក្នុងស្ថានការណ៍កាន់តែធ្ងន់នៃការផ្ទុះករណីឆ្លង COVID-19 រលកទី២ បន្ទាប់ពី អាជ្ញាធរបានរកឃើញអ្នកឆ្លងថ្មីៗ រហូតដល់ទៅ៥៣,៧៣៣នាក់ តែក្នុងរយៈពេលមួយថ្ងៃប៉ុណ្ណោះនៅក្នុងរបាយការណ៍ប្រចាំថ្ងៃព្រហស្បតិ៍សប្តាហ៍នេះ។ នេះបើតាមការចេញផ្សាយដោយ CNA នាព្រឹកថ្ងៃសុក្រ ទី០៣ ខៃកក្កដា ឆ្នាំ២០២០។ អាជ្ញាធរអាមេរិកបានមើលឃើញអត្រាឆ្លងខ្ពស់ៗបំផុត នៅក្នុងរយៈពេលបីថ្ងៃជាប់ៗគ្នានោះគឺថ្ងៃចន្ទ អង្គារ និងពុធសប្តាហ៍នេះ ខណៈរដ្ឋចំនួន ៣៧ ក្នុងចំណោម ៥០ សុទ្ធតែបានរាយការណ៍ពីករណីឆ្លង មានសន្ទុះកើនឡើងឥតឈប់ឈរ។ សហរដ្ឋអាមេរិកចាប់ផ្តើមផ្ទុះការឆ្លងរលកទី ២ បន្ទាប់ពីការបើកទ្វាររដ្ឋនានាឡើងវិញ និងការផ្ទុះបាតុកម្មទាមទាររកយុត្តិធម៌ឲ្យ បុរសស្បែកខ្មៅ ចច ហ្វ្លយដ៍ ដែលបានស្លាប់ក្រោមក្បាលជង្គង់ប៉ូលិសស្បែកស នៅក្នុងទីក្រុងមីននាផូលី រដ្ឋមីននីសូតា ចាប់តាំងពីចុងខែឧសភា ឆ្នាំ២០២០។ គ្រាន់តែរដ្ឋផ្លូរីដាមួយប៉ុណ្ណោះ ដែលមានប្រជាជនរស់នៅជាង ២១លាននាក់នោះ បានរកឃើញអ្នកឆ្លង COVID-19 ថ្មីៗរហូតដល់ទៅជាង ១០,០០០នាក់ នៅក្នុងពេល ២៤ម៉ោងកន្លងទៅនេះ។ បើគិតពីរយៈពេលមួយសប្តាហ៍ចុងខែមិថុនា កន្លងទៅនេះ សហរដ្ឋអាមេរិកបានរកឃើញអ្នកឆ្លង COVID-19 ជាមធ្យម ៤២,០០០នាក់ក្នុងមួយថ្ងៃ។ សូមជម្រាបថា បច្ចុប្បន្នសហរដ្ឋអាមេរិកមានករណីឆ្លង COVID-19 […]
អន្តរជាតិ៖តារាសម្តែងអ៊ីរ៉ង់ម្នាក់ដែលបានសម្តែងនៅក្នុងខ្សែភាពយន្តឈ្នះពានរង្វាន់អូស្ការត្រូវកាត់ទោសឱ្យជាប់ពន្ធនាគាររយៈពេល៥ខែពីបទ“ធ្វើសកម្មភាពឃោសនាប្រឆាំងនឹងរដ្ឋ”បន្ទាប់ពីបង្ហោះឡើងវិញនូវវីដេអូប៉ូលិសអនុវត្តខាងសុជីវធម៌វាយទៅលើស្ត្រីម្នាក់ដែលមិនស្លៀកពាក់ឈុតហ៊ីចាប។ នាងថារ៉ាណេអាលីឌូស្ទីដែលសម្តែងក្នុងរឿងTheSalesmanដែលឈ្នះពានរង្វាន់“ខ្សែភាពយន្តភាសាបរទេសល្អដាច់គេ”ក្នុងកម្មវិធីប្រគល់ពានអូស្ការក្នុងឆ្នាំ២០១៧ត្រូវបានកាត់ទោសជាប់គុករយៈពេល ៥ខែពីបទចែករំលែកវីដេអូមន្ត្រីប៉ូលិសអនុវត្តខាងសុជីវធម៌វាយប្រហារស្ត្រីម្នាក់នៅលើដងផ្លូវមួយក្នុងប្រទេសអ៊ីរ៉ង់ពីបទមិនស្លៀកពាក់ឈុតហ៊ីចាប។ តារាសម្តែងអ៊ីរ៉ង់លោកបាបាក់ការីមីដែលបានសម្តែងជាមួយនាងអាលីឌូស្ទីក្នុងរឿង TheSalesman បានប្រាប់វេបសាយVarietyថាគាត់បាននិយាយជាមួយតួស្រីក្រោយមានការកាត់ទោស។លោកនិយាយថា នាងយល់ថាការកាត់ទោសនេះគឺជាសកម្មភាពបំភិតបំភ័យដោយរបបអ៊ីរ៉ង់។ បណ្តាញផ្សព្វផ្សាយទូទាំងពិភពលោកជារឿយៗសំដៅទៅនាងអាលីឌូស្ទីថាជា“ណាតាលីផតមែន របស់អ៊ីរ៉ង់”ហើយនាងបានបង្កឱ្យមានការភ្ញាក់ផ្អើលក្នុងឆ្នាំ២០១៦សម្រាប់ការបង្ហាញស្នាមសាក់នៅក្នុងសន្និសីទកាសែតសម្រាប់ខ្សែភាពយន្តTheSalesman។នាងអាលីឌូស្ទីមិនរំពឹងត្រូវជាប់ពន្ធនាគារនោះទេពីព្រោះទោសរបស់នាងអាចព្យួរពីរឆ្នាំ។ នាងត្រូវបានតុលាការកោះហៅនៅថ្ងៃទី២១ខែមករាឆ្នាំ២០២០ប៉ុន្តែក្រោយមកត្រូវបានដោះលែងឱ្យនៅក្រៅឃុំ៕
អឺរ៉ុប ៖ ប្រធានាធិបតីអាមេរិក លោក ដូណាល់ ត្រាំ បានបញ្ជាឱ្យយោធាដកកងទ័ពចំនួន ៩.៥០០ នាក់ចេញពីប្រទេសអាល្លឺម៉ង់ ដែលប្រការដែលទំនងជាបង្កើនក្តីបារម្ភនៅអឺរ៉ុបទាំងមូលអំពីការប្តេជ្ញាចិត្តរបស់សហរដ្ឋអាមេរិកក្នុងការការពារទ្វីបនេះ។ បើតាមការចេញផ្សាយដោយ CNA នាព្រឹកថ្ងៃសៅរ៍ ទី០៦ ខែមិថុនា ឆ្នាំ២០២០។ មន្ត្រីដែលសុំមិនបញ្ចេញឈ្មោះបាននិយាយថា ប្រសិនបើការសម្រេចចិត្តនេះ ត្រូវបានប្រកាសជាផ្លូវការនោះ កងទ័ពសហរដ្ឋអាមេរិកដែលកំពុងមានវត្តមាននៅអាល្លឺម៉ង់ នឹងត្រូវថយចុះពី ៣៤,៥០០នាក់ មកនៅត្រឹម ២៥,០០០នាក់ប៉ុណ្ណោះ នៅតាមមូលដ្ឋានយោធាតូចធំក្នុងប្រទេសអឺរ៉ុបមួយនេះចំនួន៣៧។ ការសម្រេចចិត្តរបស់លោក ដូណាល់ ត្រាំ ខាងលើនេះត្រូវបានគេមើលឃើញថា ជាការឆ្លើយតបចំពោះទំនាក់ទំនងដ៏តានតឹង រវាងលោកផ្ទាល់ជាមួយនឹងអធិការបតីអាល្លឺម៉ង់ លោកស្រី អាំងហ្គែឡា មើគែល (Angela Merkel) ចាប់តាំងពីលោក ដូណាល់ ត្រាំ ឡើងកាន់តំណែងប្រធានាធិបតីអាមេរិកបានមួយរយៈ ហើយស្ត្រីដ៏មានឥទ្ធិពលបំផុតលើពិភពលោករូបនេះ ក៏ទើបតែបានប្រកែកមិនចូលរួមកិច្ចប្រជុំកំពូល G7 ដែលលោក ដូណាល់ ត្រាំ ជាអ្នកអញ្ជើញដោយផ្ទាល់លើកទឹកដីអាមេរិកនោះផងផែរ៕
អាមេរិក ៖ មន្ត្រីម្នាក់បានប្រាប់ AFP កាលពីថ្ងៃពុធថា អាមេរិកបានដកកងទ័ពចេញពីប្រទេសអាហ្វហ្គានីស្ថានមុនកាលកំណត់ ខណៈដែលលោកប្រធានាធិបតី Donald Trump បានបញ្ជាក់ម្ដងហើយម្ដងទៀតនូវការអំពាវនាវឲ្យមន្ទីរបញ្ចកោណនាំកងទ័ពត្រឡប់មកផ្ទះវិញ។ ការវិវឌ្ឍន៍នេះបានកើតឡើងនៅពេលដែលមានសំណួរទាក់ទងនឹងដំណាក់កាលបន្ទាប់នៃសង្គ្រាមដ៏យូរអង្វែងរបស់ប្រទេសអាហ្វហ្គានីស្ថាន បន្ទាប់ពីមានបទឈប់បាញ់គ្នាជាប្រវត្តិសាស្ត្ររយៈពេល៣ថ្ងៃដែលនាំឲ្យមានការបញ្ចប់ការស្លាប់ និងរងរបួសលើជនស៊ីវិល។ បទឈប់បាញ់គ្នាដែលពួកតាលីបង់បានអំពាវនាវដើម្បីប្រារព្ធពិធីបុណ្យមូស្លីម Eid al-Fitr បានបញ្ចប់នៅយប់ថ្ងៃអង្គារដែលធ្វើឲ្យប្រទេសអាហ្វហ្គានីមានការព្រួយបារម្ភអំពីថាតើវានឹងត្រូវបន្ត ឬពេលណាសង្គ្រាមអាចនឹងផ្ទុះឡើងសាជាថ្មី ។ប៉ូលីសបាននិយាយថា កម្រិតអំពើហឹង្សានៅតែមានកម្រិតទាប បន្ទាប់ពីការបញ្ចប់បទឈប់បាញ់គ្នា ប៉ុន្តែកងកម្លាំងសន្តិសុខអាហ្វហ្គានីស្ថានបានធ្វើការវាយប្រហារតាមអាកាសនៅភាគខាងត្បូងដែលបានសម្លាប់ក្រុមសកម្មប្រយុទ្ធ១៨នាក់។ ក្រោមកិច្ចព្រមព្រៀងមួយដែលអាមេរិកបានចុះហត្ថលេខាជាមួយតាលីបង់កាលពីខែកុម្ភៈមន្ទីរបញ្ចកោណគឺត្រូវធ្វើឲ្យកម្រិតកងទ័ពថយចុះពីប្រហែល ១២ ពាន់នាក់ទៅ ៨,៦០០ នាក់នៅពាក់កណ្តាលខែកក្កដាមុនពេលដកកងកម្លាំងទាំងអស់នៅត្រឹមខែឧសភា ឆ្នាំ ២០២១។ ប៉ុន្តែមន្ត្រីការពារជាតិជាន់ខ្ពស់អាមេរិកម្នាក់បាននិយាយថា ចំនួនកងទ័ពមានប្រមាណ ៨,៥០០ នាក់រួចទៅហើយ ខណៈដែលមេបញ្ជាការបានពន្លឿនការដកចេញ បន្ទាប់ពីមានការភ័យខ្លាចដោយសារវីរុសកូរ៉ូណា។ មន្ត្រីរូបនោះបានប្រាប់ AFP ថា “ការដកចេញនេះត្រូវបានពន្លឿនដោយសារតែការប្រុងប្រយ័ត្ននៃជំងឺ COVID-19”។ លោក Trump បានប្រាប់អ្នកយកព័ត៌មានកាលពីថ្ងៃអង្គារថា កម្រិតកងកម្លាំងរបស់សហរដ្ឋអាមេរិកបានថយចុះមកនៅត្រឹម៧ពាន់នាក់។ លោក Trump បានសរសេរនៅលើបណ្តាញសង្គម Twitter ថា “បន្ទាប់ពីរយៈពេល ១៩ ឆ្នាំវាដល់ពេលហើយដែលពួកគេត្រូវប្រើកម្លាំងប៉ូលីសការពារប្រទេសរបស់ខ្លួន” ៕