ព័ត៌មានជាតិ

COVID-19 ធ្វើឱ្យប្រជាជនជិត១ពាន់លាននាក់ នៅជុំវិញពិភពលោក ត្រូវស្ថិតនៅក្នុងផ្ទះ, ឯអ្នកស្លាប់កើនលើស១២,០០០នាក់

ពិភពលោក ៖ ទីភ្នាក់ងារព័ត៌មាន AFP នៅថ្ងៃអាទិត្យបានផ្សាយថា ប្រជាជនជិត១ពាន់លាននាក់ នៅជុំវិញពិភពលោក កំពុងអនុវត្តវិធានការស្ថិតនៅក្នុងផ្ទះ ដើម្បីចូលរួមទប់ស្កាត់ការឆ្លងជំងឺ COVID-19 ខណៈចំនួនអ្នកឆ្លងកើនដល់ច្រើនជាង ៣០០,០០០ករណី និងស្លាប់ច្រើនជាង ១២,០០០នាក់។ បើតាម AFP ប្រជាជនជិត១ពាន់លាននាក់ កំពុងស្ថិតនៅក្នុងផ្ទះ នៅក្នុងប្រទេសចំនួន៣៥ នៅជុំវិញពិភពលោក ក្នុងនោះរួមមានទាំងប្រជាជនជាង ៦០០លាននាក់ ដែលមានកាតព្វកិច្ចត្រូវស្ថិតនៅក្នុងផ្ទះ ក្រោមវិធានការបិទប្រទេសរបស់រដ្ឋាភិបាលមួយចំនួន។ បារាំង អ៉ីតាលី អេស្ប៉ាញ និងបណ្ដាប្រទេសអឺរ៉ុបដទៃ រួមទាំងសហរដ្ឋអាមេរិក បានប្រាប់ឱ្យប្រជាជនរបស់ខ្លួនស្ថិតនៅក្នុងផ្ទះ ខណៈរដ្ឋ Bavaria បានក្លាយជារដ្ឋដំបូងគេនៅក្នុងប្រទេសអាល្លឺម៉ង់ ត្រូវអនុវត្តវិធានការបិទរដ្ឋជាបណ្ដោះអាសន្ន។ សូមជម្រាបថា មនុស្សច្រើនជាង ៣០០,០០០នាក់បានឆ្លង COVID-19 នៅទូទាំងពិភពលោក ក្នុងនោះរួមាន១២,៩៤៤នាក់ បានស្លាប់ ហើយប្រទេសដែលរងគ្រោះខ្លាំង ជាងគេ នៅពេលបច្ចុប្បន្នគឺអ៊ីតាលី ដែលមានអ្នកស្លាប់ ៤,៨២៥នាក់ និងមានអ្នកឆ្លង ៥៣,៥៧៨ករណី៕

ព័ត៌មានជាតិ

ចិន​រាយការណ៍​ថា គ្មាន​ករណី​ឆ្លង​ថ្មី​នៃវិរុស​កូ​រ៉ូ​ណា ៣​ថ្ងៃ​ជាប់​គ្នា

ចិន ៖ យោងតាម​គណៈកម្មាធិកា​រ​សុខភាព​ជាតិ​បានឱ្យដឹងថា ប្រទេស​ចិនដីគោក គ្មាន​ករណី​ឆ្លង​ថ្មី​នៃ​វិ​រុស​កូ​រ៉ូ​ណា​សូម​ម្បី​តែ​ម្នាក់ ក្នុង​រយៈពេល​៣​ថ្ងៃ​ជាប់ៗ​គ្នា ខណៈ​របាយការណ៍​ថា ករណី​ឆ្លង​ថ្មី​៤១​ករណី ដែល​ត្រូវបាន​នាំចូល​ពី​បរទេស​។ ​នេះ​បើ​យោងតាម​ប្រភពពី​ស៊ិន​ហួរ​។​ ​គណៈកម្មាការ​បាន​និយាយថា​ក្នុងចំណោម ៤១ ករណី​ដែល​បាន​នាំចូល​ថ្មី​នោះ​១៤​ករណី​ត្រូវបាន​រាយការណ៍​នៅ​ទីក្រុង​ប៉េកាំង ៩ ករណី​នៅ​ស៊ា​ង​ហៃ ៧ ករណី​នៅ​ហ្គ័​ន​ដុង ៤ ករណី​នៅ​ហ្វូ​ជាន ២ ករណី​នៅ​ហ្សេ​ជាំ​ង​សាន និង​សាន​ស៊ី និង ១ ករណី​នៅ​ស៊ី​ឈួន​៕

ព័ត៌មានជាតិ

កូរ៉េខាងជើង​បាញ់​មី​ស៊ី​ល​ផ្លោង​​២​គ្រាប់​ចូល​សមុទ្រ​ខាងកើត​

​កូរ៉េខាងជើង ៖ ទីភ្នាក់ងារសារព័ត៌មាន​យ៉ុ​ន​ហាប់​បាន​ស្រង់​សម្តី​របស់​នាយសេនាធិកា​រ​ចំរុះ​របស់​កូរ៉េខាងត្បូង​បាន​ឲ្យ​ដឹងថា​ប្រទេស​កូរ៉េខាងជើង​បាន​បាញ់​មី​ស៊ី​ល​ផ្លោង​រយៈ​ចម្ងាយ​ខ្លី​ចំនួន​២​គ្រាប់ ដែល​ត្រូវបាន​បាញ់​ចេញពី​ខេត្ត​ព្យុង​កាន​ខាងជើង នៃ​ប្រទេស​កូរ៉េខាងជើង​នៅ​ព្រឹក​ថ្ងៃ​សៅរ៍​នេះ​តែម្តង រួច​បាន​ធ្លាក់​ទៅលើ​ដែនសមុទ្រ​ខាងកើត ។ នេះបើយោងតាមប្រភពពី CGTN។​ ​គួរ​បញ្ជាក់ថា កាលពី​ថ្ងៃទី​៩​ខែមីនា កូរ៉េខាងជើង​រាយការណ៍​ថា​បាន​បាញ់​សាកល្បង​មី​ស៊ី​ល​រយៈ​ចម្ងាយ​ខ្លី​ចូល​សមុទ្រ​ខាងកើត​។ ចំណែក​នៅ​ថ្ងៃទី​២​ខែមីនា​បាន​បាញ់​គ្រាប់ផ្លោង​ចំនួន​២​ដែល​មិន​ស្គាល់​អត្តសញ្ញាណ​ចូលទៅក្នុង​ដែនទឹក​ភាគ​ខាងកើត​៕

ព័ត៌មានជាតិ

យុទ្ធនាការរបស់ស្នងការដ្ឋាននគរបាលរាជធានីភ្នំពេញ ដើម្បីបង្ការ និងទប់ស្កាត់ការរីករាលដាលនៃវីរុសកូវីដ១៩

ភ្នំពេញ ៖ ដើម្បីចូលរួមថែរក្សាសុខភាពឲ្យបានល្អ និងចៀសផុតពីការឆ្លងរាលដាលនៃវីរុសកូវីដ១៩ លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញបានផ្តល់ជាអាល់កុល និងម៉ាស់ចែកជូនដល់តាមបណ្តាផែន ការិយាល័យជំនាញ អធិការខណ្ឌទាំង១៤ និងប៉ុស្តិ៍នគរបាលរដ្ឋបាលទាំង១០៥។ លោកស្នងការបានបញ្ជាក់ និងណែនាំយ៉ាងច្បាស់ថា មន្ត្រីចរាចរណ៍តាមគោលដៅទាំងអស់នៅក្នុងរាជធានីភ្នំពេញត្រូវតែពាក់ម៉ាស់ និងស្រោមដៃជាប្រចាំ ក៏ដូចជាការលាងសម្អាតដៃជាមួយអាល់កុល ឬទឹកសម្លាប់មេរោគ។ លោកបញ្ជាក់ថា ចំពោះមន្ត្រីទាំងឡាយណាដែលចុះអនុវត្តការងារផ្សេងៗត្រូវតែពាក់ម៉ាស់ និងសម្អាតដៃឲ្យបានជាប្រចាំជាមួយអាល់កុល ឬទឹកសម្លាប់មេរោគ៕

ព័ត៌មានជាតិ

រដ្ឋធានី​ហ្សា​ការ​តា ប្រកា​សភា​អាសន្ន​រយៈពេល​២​សប្តាហ៍​ដោយសារ​កូ​រ៉ូ​ណា​

​ហ្សា​ការ​តា​ ៖ ​អភិបាលក្រុង​ហ្សា​ការ​តា​កាលពី​ថ្ងៃ​សុក្រ​បានប្រកាស​ភាពអាសន្ន​ក្នុង​រយៈពេល​ពីរ​សប្តាហ៍ បន្ទាប់​រដ្ឋធានី​ឥណ្ឌូណេស៊ី កំពុងតែ​មានការ​រាតត្បាត​ពី​វី​រ៉ុ​ស COVID-19​។ ​នេះ​បើ​យោងតាម​ប្រភពពី Bangkok Post​។​ ​អភិបាលក្រុង​លោក Anies Baswedan ក៏បាន​មានប្រសាសន៍ថា កន្លែង​កម្សាន្ត​សាធារណៈ ដូចជា បា​រាត្រី​, ស្ប៉ា និង​រោងភាពយន្ត នឹង​បិទ ចាប់ពី​ថ្ងៃ​ចន្ទ ហើយ​ការដឹកជញ្ជូន​សាធារណៈ​ត្រូវបាន​កំណត់​។ លោក​បាន​ជំរុញ​ឲ្យ​ក្រុមហ៊ុន​ទាំងអស់ អនុញ្ញាត​ឲ្យ​បុគ្គលិក បំពេញការងារ​ពី​ផ្ទះ ប្រសិនបើ​អាចធ្វើ​ទៅបាន​។​ ​លោក​បាន​បន្ថែមទៀតថា​ក្រុមគ្រូពេទ្យ​របស់​យើង​នៅ​ទូទាំង​ហ្សា​កាតា​កំពុងតែ​ប្រយុទ្ធ​ប្រឆាំងនឹង​ជំងឺ​រាតត្បាត​នេះ​។ ​លោ​កថា ​សមត្ថភាព​ឆ្លើយតប​របស់​យើង​មាន​ដែន​កំណត់​ពីព្រោះ​ចំនួន​មន្ទីរពេទ្យ​និង​បុគ្គលិក​មិន​ស្រប​នឹង​កំណើន​នៃ​ករណី​ឆ្លង​នោះទេ​” ។​ ​យោងតាម​មន្ត្រី​ក្រសួងសុខាភិបាល​បានឱ្យដឹងថា​គិត​ត្រឹម​ថ្ងៃ​សុក្រ​ប្រទេស​ឥណ្ឌូណេស៊ី​មាន​ករណី​ឆ្លង Covid-19 ចំនួន ៣៦៩ ករណី​និង ៣២ នាក់​បាន​ស្លាប់​។ ហ្សា​ការ​តា ជាទី​ក្រុង​មួយ​ដែលមាន​ប្រជាជន ១០ លាន​នាក់ និង​មាន​អ្នក​ឆ្លង​ជំងឺ​ចំនួន ២១៥ នាក់​និង​ស្លាប់ ១៨ នាក់​៕

ព័ត៌មានជាតិ

រដ្ឋមន្រ្តីព័ត៌មាន ​៖ Covid-19 វា​នឹង​រលាយបាត់​! អ្វីដែល​មិន​បាត់ គឺ​ប្រវត្តិសាស្ត្រ និង​ការកត់សម្គាល់ចរិត​មនុស្ស​

​ភ្នំពេញ​ ៖ ក្នុង​រយៈពេល​ដែល​មេរោគ Covid-19 វាយលុក​សក​លោក​រួម​ទាំង​កម្ពុជា គឺ​ពលរដ្ឋ​ខ្មែរ រហូតដល់​រដ្ឋមន្ត្រី បានបង្ហាញ​ទស្សនៈ​ផ្សេងៗ​គ្នា តែ​ក្នុងន័យ​រួម អប់រំ​អំពាវនាវ​កុំ​មានការ​បែងចែក រើសអើង​នៅក្នុង​សង្គម​យើង​ទេ​។ ក៏ប៉ុន្តែ​ប្រជាជន​ទាំងអស់ ក៏ត្រូវ​ចូលរួម​សហការ​ទប់ស្កាត់​ការឆ្លង​រាលដាល Covid-19 តាមរយៈ​ការធ្វើ​អនាម័យ​ជាប្រចាំ និង​ចូលខ្លួន​ឲ្យ​ពេទ្យ​ពិនិត្យ​រក​ជំងឺ​កូ​វីដ ដើម្បី​ព្យាបាល និង​ទប់ស្កាត់​ការរីក​ឆ្លង​រាលដាល​ជំងឺ​ដ៏​កាច​សាហាវ​នេះ ដល់​អ្នក​ដទៃទៀត​នៅក្នុង​សង្គម​កម្ពុជា​យើង​។​ លោក ខៀវ កាញារីទ្ធ រដ្ឋមន្ត្រីក្រសួង​ព័ត៌មាន បាន​សរសេរ​សារ​បង្ហោះ​លើ​ហ្វេ​ស​ប៊​បុក​ថា​ ៖ «Covid-19 វាយលុក​សកលលោក តែ​វា​នឹង​រលាយបាត់​។ អ្វីដែល​មិន​បាត់ គឺ​ប្រវត្តិសាស្ត្រនឹង​កត់សំគាល់​ចរិត​មនុស្ស ចិត្ត​ទូលាយ ចិត្តចង្អៀត ចិត្ត​ឫស្សា ចរិត​រើសអើង ចង្អៀតចង្អល់​»​។ លោករដ្ឋមន្រ្តីបញ្ជាក់ថា ​៖ «​យើង​នៅក្នុង​សង្គម​តែមួយ យើង​ចង់​រស់​ដូចគ្នា​។ បងប្អូន​ខ្មែរឥស្លាម​ពេលនេះ ត្រូវ​យល់ថា យើង​មិនមាន​ការបែងចែក​ទេ​។ មិនត្រូវ​អស់សង្ឃឹម​ទេ​។ មនុស្ស​ថោកទាប និង​ប្រឹង​បន្ទាបបន្ថោក​បងប្អូន​។ តែ​បងប្អូនមិនត្រូវ​ថោក​តាម​ពួក​ទាំង​នោះទេ​!»​។​ ជាមួយគ្នានេះនៅលើ​ហ្វេ​ស​ប៊ុ​ក ឈ្មោះ ម៉ម រស្មី អ្នកសិល្បៈ​ជើងចាស់ បានសរសេរថា​៖ «​សត្រូវ​រួម ឃើញ​មុខ​ហើយ​។ អាវុធ​ការពារ​ដឹង​ហើយ​។ […]

ព័ត៌មានជាតិ

លោកអភិបាលបានចុះពិនិត្យពីស្ថានភាពគ្រប់គ្រង និងការពង្រឹងវិធានការបង្ការទប់ស្កាត់ការរីករាលដាលជំងឺកូវីដ-១៩ នៅច្រកព្រំដែនព្រៃវល្លិ៍-ប៊ិនហៀប

ខេត្តស្វាយយរៀង ៖ នាព្រឹកថ្ងៃសៅរ៍ ១៣រោច ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២១ ខែមីនា ឆ្នាំ២០២០នេះ លោក ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មការប្រយុទ្ធប្រឆាំងនឹងជំងឺកូវីដ-១៩ ខេត្តស្វាយរៀងបានដឹកនាំក្រុមការងារខេត្ត ដែលមានការចូលរួមពីលោកអភិបាលរងខេត្ត លោកស្នងការនគរបាលខេត្ត លោកមេបញ្ជាការកងរាជអាវុធហត្ថខេត្ត និងលោកប្រធានមន្ទីរជំនាញពាក់ព័ន្ធ អញ្ជើញចុះពិនិត្យពីស្ថានភាព នៃការគ្រប់គ្រងនិងការពង្រឹងកិច្ចអនុវត្តវិធានការបង្ការទប់ស្កាត់ការរីករាលដាល នៃជំងឺកូវីដ-១៩ នៅច្រកទ្វារព្រំដែនអន្តរជាតិព្រៃវល្លិ៍-ប៊ិនហៀប ស្ថិតនៅឃុំថ្មី ស្រុកកំពង់រោទិ៍ ខេត្តស្វាយរៀង ។ ក្នុងឱកាសនោះ លោកអភិបាលខេត្ត បានមានប្រសាសន៍ថ្លែងនូវការកោតសរសើរចំពោះសមត្ថកិច្ច និងមន្ត្រីជំនាញពាក់ព័ន្ធទាំងអស់ ដែលឈរជើងនៅច្រកទ្វារព្រំដែនអន្តរជាតិព្រៃវល្លិ៍ កន្លងមកបានខិតខំអនុវត្តតួនាទីក្នុងការការពារសន្តិសុខ សុវត្ថិភាព សណ្ដាប់ធ្នាប់ព្រំដែន និងការពង្រឹងកិច្ចសហប្រតិបត្តិការល្អប្រសើរជាមួយនឹងភាគីវៀតណាម។ ជាមួយនេះ លោកអភិបាលខេត្ត ក៏បានជម្រាបជូនអំពីវិធានការរបស់រាជរដ្ឋាភិបាល ក្រសួងមហាផ្ទៃ ក៏ដូចជារដ្ឋបាលខេត្តបានដាក់ចេញនាពេលថ្មីៗនេះ ដោយតម្រូវឲ្យផ្អាកជាបណ្ដោះអាសន្ននូវការធ្វើដំណើរចូលប្រទេសកម្ពុជាដោយប្រជាពលរដ្ឋវៀតណាម និងការធ្វើដំណើរចូលប្រទេសវៀតណាមដោយពលរដ្ឋកម្ពុជា តាមគ្រប់រូបភាព ដែលបានចូលជាធរមានរួចហើយកាលពីវេលាម៉ោង ២៣:៥៩នាទី យប់ថ្ងៃទី២០ ខែមីនា ឆ្នាំ២០២០ ហើយដែលវិធានការនេះធ្វើឡើងគ្មានអ្វីក្រៅពីគោលបំណងបញ្ចៀសនូវការរីករាលដាលនៃជំងឺ កូវីដ-១៩ ដែលបច្ចុប្បន្នបានក្លាយជារបៀបវារៈរួមរបស់ពិភពលោក តំបន់ […]

ព័ត៌មានជាតិ

ឧកញ៉ាធំៗចូលរួមបរិច្ចាគថវិកាជួយបង្ការ និងទប់ស្កាត់ការរាតត្បាតនៃជំងឺ​កូវីដ-១៩​

ភ្នំពេញ ៖ រាជរដ្ឋាភិបាលកំពុងតែចាត់វិធានការដើម្បីទប់ទល់ជំងឺដ៏កាចសាហាវមួយនេះ ព្រះករុណាសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជណាចក្រកម្ពុជា និងសម្តេចព្រះវរាជមាតាជាតិខ្មែរ ទ្រង់បានសព្វព្រះរាជហឫទ័យប្រោសព្រះរាជប្រទានដោយព្រះរាជទ្រព្យផ្ទាល់ជាថវិកាចំនួន ៣០ម៉ឺនដុល្លារអាមេរិក សម្រាប់ជួយដល់រាជរដ្ឋាភិបាលក្នុងការបំពេញកាតព្វកិច្ចខាងលើ។ ក្រៅពីព្រះរាជគំរូដ៏ឧត្តុង្តឧត្តមរបស់ព្រះករុណាព្រះមហាក្សត្រ និងសម្តេចព្រះវរាជមាតាជាតិខ្មែរនេះនៅមានសប្បុរសជនជាច្រើនផ្សេងទៀតក៏បានចូលរួមឧបត្ថមផ្តល់ជំនួយជាថវិកាផងដែរ។ ក្នុងនោះមានឧកញ៉ាដែលជាម្ចាស់ក្រុមហ៊ុន និងមុខជំនួញធំៗនៅកម្ពុជាជាច្រើនរូបចូលរួមឧបត្ថមថវិកាសម្រាប់សកម្មភាពបង្ការ និងទប់ស្កាត់ការរាតត្បាតនៃជំងឺ​កូវីដ-១៩​នេះ ក្នុងនោះរួមមាន ៖  អ្នកឧកញ៉ា ហុង ពីវ ឧបត្ថមទឹកប្រាក់ចំនួន ២លានដុល្លារសហរដ្ឋអាមេរិក។ អ្នកឧកញ៉ា គិត ម៉េង ឧបត្ថមទឹកប្រាក់ចំនួន ៥០ម៉ឺនដុល្លារសហរដ្ឋអាមេរិក។ លោកឧកញ៉ា ពុង ឃាវសែ ឧបត្ថមទឹកប្រាក់ចំនួន ៥០ម៉ឺនដុល្លារសហរដ្ឋអាមេរិក។ ឧកញ៉ា ភាព ហៀក ឧបត្ថមទឹកប្រាក់ចំនួន ៥០ម៉ឺនដុល្លារសហរដ្ឋអាមេរិក។ ឧកញ៉ា ទ្រី ភាព និងលោកជំទាវ ឧបត្ថម្ភទឹកប្រាក់ចំនួន ៥០ម៉ឺនដុល្លារអាមេរិក។  លោកឧកញ៉ា លី ហួរ ឧបត្ថមទឹកប្រាក់ចំនួន២០ម៉ឺនដុល្លារសហរដ្ឋអាមេរិក។  លោកឧកញ៉ា ថៃ ជាហួត ឧបត្ថមទឹកប្រាក់ចំនួន ១០ម៉ឺនដុល្លារសហរដ្ឋអាមេរិក និងលោកឧកញ៉ា ឡេង ណាវ៉ាត្រា […]